Shan State, Ywangan ramsung doawknak ah ralhrang 10 an thi ih mipi ralkap Ywangan-PDF (5) ih nunnak a liam thu tuisun April 30 ah YPDF in an phuang.
April 15 sun nazi 1:00 hrawngah Punlaung tiva kiangkap ah ralhrang pawl an va feh, Taungu khua thlen hlanah tualsung mipi ralkap YPDF pawlin an rak kap ciamco ih kaphnih kahawknak a thleng.
Ralbawi telin ralhrang 10 an thi, meithal, ralthuam hmanmi a thlauawk tuk ruangah PDF pawl cu dung an sip laiah ralhrang pawlin bomb in an kap ih YPDF (5) ih nunnak a liam, pakhat hliamhma a tuar.
An umnak ah internet line a ṭha lo ruangah thuthang an than tlai thu an tarlang ih ‘Mual liamtu pawl hrangah phuba an la ding thu le zalen ngah hlanlo ralhrang pawl an do vivo ding thu pawl an tarlang.
Leave a Reply