Myanmar ramsung buainak lakah rukru le suamhmang an pung ciamco ruangah fimkhur a ṭul zet. July 12 zan ah Tahan ih um Pi Sangpuii tei dawr te cu misual in an bohsak ih an thilri bungrua pawl an laksak.
L B Khum Mapuia in, “Nu Hmei Dawr an Boh: Ni 12.7.2022 zan ah Pi Sangpuii dawrte an bohsak. Pi Sangpuii hi Letpanchawng lamzinpi, Wesleyan biakin sak, Tahan ih um a si.
Mizan ah misual pawl in a dawrte sangka hrennak an ceh siat ih a sung ih thilri pawl an laksak. An ei hawlnak le thumawknak bik a siih poitak si. Sun a si khalah inn kan hren tiih hnangam tuk ding a si nawn lo. A hrennak cehsiat an nehsawh tuk.
Zaan a sile mipi kan vaksuak ngam lo, misual hrangah canttha ah a cang. Mai innhnen ah buainak le harsatnak pakhatkhat aum a sile kiangkap pawl in a cang theitawk ih bomhawk cio kan tum kei uh. Pi Sangpuii pawi kan lo tipi tuk” tin a Facebook cahmai ah a tarlang.
Leave a Reply