An Fanu Damlo A Thi Zik Te, A Thlan Ding An Laicia Ih A Pa In Ava Itpi Ṭheu

China, Sichuan khua te ih um pacang kum 24 mi Zhang Liyong le a nupi Deng Min in fanu te an nei ih damlonak danglam zet Thalassemia in a damlo.

Zhang Liyong cu lo hnaṭuan a si ih a nupi in an fa pahnihnak ding nau a pai lai, innsang harsa zet an si ih an fanu tuamhlawmnak dingah an inn le lo khal an zuar zo.

An fanu tuamhlawmnak ah 100,000 yuan zat an cemliam zo nan a ṭha thei cuang lo. Zhang Liyong in “Mi dangdang hnenah sumpai tampi kan cawi zo, zohman in sumpai cawi an siang nawn lo. Tuah theimi kan thei nawn lo” a ti.

An fanu damlo cu an tuamhlawm thei nawn lo ruangah a thih ding ni lawng an hngak, a thlan ding khal an laicia in a pa in ava itpi ṭheu. An fanu amah lawngih a ih ding cu an ngai ngam lo ih a thupten an ṭap rero.

An thuhla cu online sungah a darh ciamco ih an zangfak tuk ruangah mipi in bawmnak an pe, June 27, 2017 kum ih thilthleng a si ih Samaria Miṭha pawl ruangah an fanu in hringnun a hmang theisal.

Be the first to comment

Leave a Reply

Your email address will not be published.


*