An Fanu Lak Mi Le Innsang Pa An Duh Aw, An Fanu Lak Mi In Innsang Nubik A That

November 2012 kum ih thilthleng a si ih an fanu in an innsang ih thilthleng rapthlak zet cu tu’ah a phuangaw. US, Ohio khawpi ih um nupa in fanu pakhat an neicia, cumi hnuah midang fa cu an fanu dingah an la.

An fanu lak mi Sabrina cu kum 17 a kim ih innsang pabik thawn an duhaw, an rak ittlang ṭheu. Innsang pa Kevin in an fanu lak mi hnenah, “Ka nupi hi na that lo asilen keimah le keimah ka thataw ding” tin a fial.

Kevin in a nupi hi ṭhen a tum ṭheu nan thuhla phunhun ruangah a ṭhen thei lo, a nupi that a fialnak cu a nupi thih hnuah sumpai tam zet co ding anei. Tleirawl Sabrina in amah cawmtu kum 42 mi Lisa cu namtong in vei 150 lenglo a dawt ih a hliamhma tuar loin a thi.

Palik pawlin tualthattu Sabrina cu an kai ih a phuangawk hnuah amah cawmtu le tualthat dingih forhfialtu Kevin khal an kai, innsang nubik an that hnu lawngah an kopaw ṭheu ti an sungkhat pawlin an thei. 2014 kum ah Sabrina le Kevin cu tualthat thubuai an orhter ih damsung thawngtla dingin an thu an ṭhencat.

Be the first to comment

Leave a Reply

Your email address will not be published.


*