An Fanu Te A Hmelṭha Tuk Ruangah A Nupi Cu A Rinhlel Ih Siizung Ah Thisen An Va Zohdik Cu

Thuhla a phunphun ruangah an hmin le an sinak cu an tarlang lo. Nulepa tuakkhat in fanu te duhnung zet an nei, an fanu cu kum 5 a kim ih a hmelṭha tuk ruangah vengsung mipi pawl khalin an lawm ringring. A upa deuhdeuh ih a hmelṭha deuhdeuh, a mit umdan, a hmai kotlang umdan pawl cu a pa thawn an bangaw lo lawlaw.

Curuangah a pa in a fanu ngai asilo ding ti rinhlelnak thinhrik anei thup, a nupi cu thu a sut hnuah siizung ah an fanu ih thisen le a pa ih thisen DNA cu an va zohdik ih a bangaw lo ngaingai. Cutin an innsang ah buainak a thleng, a nupi in mipa dang a itpi lo thu le a rinum thu pawl a sim rero ih an um cu a nuam thei nawn lo.

Cutikah a nupi ih thisen DNA khal an va zohdik ih an fanu ih thisen thawn a bangaw cuang lo cu an lau tuk. Kum 5 sung an rak kilkhawimi an fanu cu anmai fanu ngai arak silo ti an theisuak. Nau an neih laiah siizung lam ih peksualmi si an zum, an fanu ih suahnak siizung ah an va feh ih an fanu suah lai caan ih nauhak piang pawl hmin cazin an dil ih zingzoinak an nei rero lai.

Nauhak suak pekte thlengaw thuhla hi zuknung sung lawng ah a thleng ṭheu an ti nan a takram ih tong khal an um hnuaihni zo ruangah fimkhur cu a ṭul zet. Tuiṭum ih thilthleng khal an theifiang hrih lo ih an zingzoi rero lai a si. March 2015 khalah siizung pakhat ah hnaṭuantu pawlin naute an rak thlengsual, kum 2 le thla 9 hnu lawngah an nulepa veve in anmai fa ngai asilo ti an theisuak ih police hnenah an report.

Court in a buaipi rero hnuah thlengaw sal dingin thu a relcat, asinan an vun hlanaw tum taktak cu an rak caw ringring mi nauhniang ih mithmai an zoh ih an thlengaw ngam sal lo. Naute pakhat sawn ih unu le pawl khalin an naupa vekin an rak zoh zo ih midang kut sungih hlan ding cu an ngai ngam lo ruangah an lungzuur in an mitthli a luang.

Naute khalin an nulepa ngai ah an rak ruat zo ruangah thlengaw taktak ding cu an duhsal lo ih khatlam khatlam pehtlaih aw ringring dingin thuthluknak an tuah sawn. Nau an neihnak siizung cu police pawlin daithlan thubuai an orhter.

Be the first to comment

Leave a Reply

Your email address will not be published.


*