An Fanute Tlawng An Va Thlah Ih An Tlunlam Ah An Kap That, An Fanu In Zianghman A Thei Lo

Madalay lamzin ah bike thawn phur aw nupa tuakkhat cu zo ti theih lo pawlin an kap that. An kahthat pekte ahcun ralhrang lamtang CID ralbawi Soe Ko Ko tei nupa an si tin an tarlang, asinan an innsang le tualsung mipi pawlin CID an si lo, mi pangai an si tin media hnenah an sim thei.

August 23, 2022 zinglam ah an fanu neihsun cu Unity Private High School ah an va thlah ih an tlunlam ah mi pahnih in an kap that. Innsang pabik U Sii Thu Ko Ko (kum 43) ih lu le pum ah an kap ngah ih a nupi Ma Hnin Wei Hlaing cu a dunglam zang ah an kap ngah. Lamzin laifang ah an thi cih.

Tualsung mi pakhat in, “Innsang nu cu Myat Nann Yone Hotel ah manager áš­uan lai a si. A pasal in hnipuan mankhung pawl a zuar. An fanu tlawng an va thlah ih an tlunlam ah an kap that” a ti. An ruak cu siizung ah an phur ih zohdiknak an nei.

Tualsung mipi pawlin, ‘CID ralbawi Soe Ko Ko kah that an tumnak ah mi pangai U Sii Thu Ko Ko tei nupa an kap that sual a si men thei’ an ti.

An hmeltheih in, “An fanu neihsun te hi tlawng an va thlah ih an tlunlam ah an kap that. An fanute in zianghman a thei hrih lo. A nulepa an um nawn lo ti khal a thei hrih lo. A nulepa thuhla thei loin ‘ka nu, ka pa cumi ka duh’ a ti rero ding. An fanute ih hmailam caan ka ruat ih ka riatsia tuk” a ti.

Be the first to comment

Leave a Reply

Your email address will not be published.


*