An Fapa Ih Kolmi Puitling Zuknung Pawl An Siatsuah Sak Ruangah $30,441 Zat An Kuan Ding

US, Michigan nupa in an fapa ih ret ṭha mi puitling zuknung film, magazines le thil dangdang pawl an rak urkang ruangah court in $30,441 (£22,100) zat kuan dingin thuthluknak an tuah.

Kum 42 mi David Werking cu a nupi thawn an ṭhenawk hnuah a nulepa tei inn ah ava um. Puitling zuk, magazines le thil dangdang a kol tam zet, a thil kolmi pawl cu $29,000 (£21,500) man hrawng a si. A nulepa hnen ihsin Muncie, Indiana ah ava um ih a thil kolmi pawl cu a keng theihhngilh.

Hringtu a pa in ca a kuat ih “David, na thil tanmi pawl hi ra la thluh aw” a ti nan a lak lo ruangah an rak urkang thluh. An fapa David Werking cu a thinheng tuk ih court ah thubuai a thehlut.

Thla 8 hnuah court in thiam an coter, US district judge Paul Maloney in midang thil an rak ti siatsuah sak ruangah $30,441 (£22,100) zat kuan dingin leh an fapa ih lawyer hnenah $14,500 (£10,500) zat pe dingin thuthluknak a tuah.

Hringtu a nulepa in “An fapa ih inn neitu vek an si ih an duhlomi thil cu ti siatsuah theinak covo an neih thu court hmaiah an rel. Asinan, court in “Inn neitu nan si khallen nan duhlomi midang thilri ti siatsuah theinak daan le dun aum lo” a ti.

Be the first to comment

Leave a Reply

Your email address will not be published.


*