An Fapa Neihsun In A Thihsan, A Sulhnu Umnak Inn Ah An Um Thei Nawn Lo, An Fapa Ih Zun An Phur Thei Lo Ih An Ṭap Rero

Ei Khine Win cu Myanmar online milar hminthang pakhat a si, TikTok ah capoh thiam in a lar zet. Mipi in a hmin an theih veten hlimnak, hnihnak lam lawng an ruat nan tuiṭum ih an thilton cu hnihnak lam a si lo. Zohman an hni thei nawn lo.

A pasal thawn fanu pahnih an nei zo, cumi hnuah fapa duhnung zet an nei, a naupai lai khalah online parah video le ca a post ṭheu. Fapate an nei ih an lungawi zet nan ni 9 hnuah an fapa in a thihsan.

Ei Khine Win in, “Inn ka va tlung ih ka fapa aum nawn lo, ka fapa hrangah caanserh kan hmang hnu ihsin inn ah kan um nawn lo ding. Ka fapa ih ihkhan sungah ka lut thei nawn lo, a ihnak khan sung ka lut asilen ka lung a kuai ih supaw thei loin ka ṭap ciamco. Ka fapa, na nu in na zunngai ka tuar thei hnu lawngah ka ra tlungsal ding maw.

Ka rak lo caw ṭheunak khan sung ka lut asilen na nu hi ka aa thluh, ka au ciamco ih miaa vekin ka ṭap ciamco. Na nulepa in na sulhnu umnak inn hi kan suahsan lawk ding, reilote sung hmun dangah kan um lawk ding maw.

Zantinten na zuk ka zoh ih ka ṭap ringring, na pa khal a thupten a ṭap ṭheu. Na pa in ‘Ka fapa, ka mang lam tal ah ra lang aw. Ka lo ngai tuk’ tin a phun rero lai ka thei. Ka mang ih na ra lang lo asikhallen na pai mang tal ahcun ra lang hram aw. Na nulepa in kan lo duhdawt in kan lo ngai tuk” tin a tarlang.

Be the first to comment

Leave a Reply

Your email address will not be published.


*