An Fapa Neihsun Thisen Cancer Ih Mual Liamtu Hrang An Nulepa In Hla An Sak – {Video}

Mizoram, Chhippui khua ih um Pu Lalrinenga tei fapa neihsun kum 17 mi Lalrinmuana cu thisen cancer in May 14, 2020 kum ah a thi.

Thisen cancer in a damlo bese tuk ih Zembawk Cancer hospital ah an tuamhlawm, May 13, 2020 ah an fapa ih phun 10 result a suak ih a ong.

Cutin, nuam zetin siizung sungah phun 10 ong an lawm hnu a thaizing ah a thi. An innsang in an tuar na zet ih ziangkhal tuah thei loin an um lawk.

Innsangpa bik hi Pathian rawngbawltu a si nan a fapa neihsun, a duat lai ih a thihsan ruangah Pathian remruatdan khal theithiam loin a beidong zet lawk. Tu’ahcun Pathian lawng an hngakawknak a si zo, an fapa zunngai in an lunglen ni cu kianzai a rel thei cuang lo. {Video}

Be the first to comment

Leave a Reply

Your email address will not be published.


*