An Harsa Tuk Ruangah An Fate 4 An Zuar, Lei An Tum Ih An Fapa In “Ka Nui Hnen Lawngah Ka Um Duh” A Ti

Myanmar ramsung cu Covid-19 in arak nuai ciamco hnuah ramsung buainak a suak, cumi hnuah Covid-19 thlisia a hrangsal cu zo cio khal an harsa thluh.

Shan State, Panglong Township, Naung Lai khua ah nunphung puai an nei ih cutawk ah nupa tuakkhat in an fate 4 an va zuar thu theih a si. Nupa tuakkhat cu kum 30 mi hrawng an si ih khuate ih um an si, puainak ah an fate 4 in an zuar thu an au ih a pek khalin an pe thei thu an rel.

An fapa upa bik cu kum 5 mi a si ih a sangtu cu nunau kum 3 mi a si. Pahnihnak cu kum 1 le thla 6 mi a si ih nautabik cu thla 5 mi a si, an fate 2 cu hnawiti an fawp lai. Tulai an harsa tuk ruangah an fate pawl cu an cawm thei lo tin an rel.

Puainak ih tel nunau pakhat in an fapa upabik cu ka cawm duh a ti, asinan an fapa upabik in thilumdan arak theithiam zo ih “Ka nui hnen lawngah ka um duh” a ti cu kiangkap um pawlin an lainat tuk.

Kiangkap um pawlin an fate cu zuar lo dingin an hnem ih ei le in ding an pe, mithmutu pakhat in “A nu hi a fim tuk lo ding a bang” a ti.

Kiangkap um pawlin sumpai an thawhkhawm ih paisa ting 2 an pe, cumi hnuah Panglong lam an feh duh thu an sim ih mi ṭhenkhat in an va thlah liam. An thuhla cu online sungah an tarlang sak ih ṭhenkhat in bawmnak an pe duh nan an hmu thei nawn lo ti a si.

Be the first to comment

Leave a Reply

Your email address will not be published.


*