An Hawl Rero Mi Dungthluntu Peter Ih Suahsemnak Khua An Hmu

Jesuh dungthluntu 12 lakah Peter hi mi danglam hleice a si. Vanram tawh kengtu khal a si, a hlan ih a hmin cu Simon a si ih ngakai ih eihawl mi arak si. Peter hi nupi nei a si, Jesuh thawn tipi parah an feh.

Rome ralkap hna sattla tu khal a si, veithum rori Jesuh a phatsan. Peter ih thihdan cu Bible sungah an ngankhum lo, asinan cabu dang ah a linglet zawn in thinglamtah ah an khai that tin an ngan. Peter ih suahsemnak khua hi kum reipi sung an theifiang lo.

Bethsaida le Capernaum ih piang titu an um veve ruangah an el aw ṭheu. Kum reipi sung an hawl rero hnuah an hmusuak zo. Bethsaida khua ih piang a si. An umnak inn cu biakinn ‘Church of the Apostles’ ah an hmang, 749 A.D kum ah linghnin nasa zetin a nuaicim thluh ih zohman in aumnak an thei nawn lo.

Zingzoitu pawlin Peter ih suahsemnak hmun cu an haisuak ih Greek ṭong in “Vanram thuneihnak neitu le dungthluntu pawl hruaitu” tin an nganmi khal an hmu. Ṭuanvo neitu in, “Peter ih suahsemnak cu kan hmusuak zo ih Bethsaida a si, Capernaum a si lo” a ti.

Be the first to comment

Leave a Reply

Your email address will not be published.


*