An Hawl Rero Mi Nauhak Pawngsualtu Cu Kum 20 Hnuah Pastor In An Kai

Virginia, Richmond khawpi ih um mipa pakhat cu nauhak kumkimlo a pawngsual ruangah palik pawlin kai dingin an hawl rero nan an hmu thei lo. Khua dang Alabama ah a tlan ih a hmin khal a thleng danglam, Baptist church ah pastor a ṭuan ih a sulhnu cu zohman in an thei lo.

Kum 75 kim zo Larry Albert Flake cu an kawhhran ah awnmawi lam ṭuanvo neitu pastor ah a ṭuan ih a hmin khal Larry White tin a thleng. FBI pawlin an hawl rero ih kum 20 hnu lawngah pastor dinhmun in an va kai, nauhak kumkimlo arak pawngsual ruangah kum 25 sung thawngtla dingin a thu an ṭhencat.

August 30, 2001 ah nauhak kum 15 mi cu a rualpi inn ah leng dingin a feh ih lamlak ah Larry in arak kaihrem ih a pawngsual hnuah hmun dangah a tlan, cutin kum 20 hnu lawngah palik pawlin an kai ngah.

A hnaṭuanpi Pastor Willie Perry in, “Hmun dangah mi an tlan tikah an sulhnu diktak hi an rel duh nawn lo, nan theih ding mi a tawkfang lawng an lo sim ṭheu ding. An sulhnu thukpi cu an relsuak duh nawn lo. Rev. White ka lo duhdawt ih na hrang thlaza ka cam. Asinan an lo kai ngah cu ka lungawi ih neta ah hivek sualnak tuah caan na nei nawn lo ding” a ti.

Be the first to comment

Leave a Reply

Your email address will not be published.


*