An Hlonmi Naute Khine Hnin Wai In A La

Kum 40 mi Khine Hnin Wai cu pasal fanau nei hrih lo fala lai a si nan nauhak tampi ih nu ropi a si zo. Myanmar zuknung khawvel ah nasa zetin arak cangvai zo.

Cumi hnuah a tumram cawmtu neilo nauhak pawl a finkhawm ih amah in a cawm. An harhdamnak khal ṭha zetin a zoh ih an fimthiamnak le an ṭulsammi ziangtinkim a tawlrel sak thu.

Nauhak cawmnak runinn anei ih nauhak tampi cawm thei dingin inn dang a sak rero lai. Myanmar ram cu Covid-19 in a nuai ih ramsung a buai vekin cawmtu neilo nauhak khal an pung deuhdeuh.

Phyu khawpi ah naute ni 5 lawngih upa cu hringtu nulepa in an hlon, taksa damlonak nei naute a si. Khine Hnin Wai in a fapa si dingin ava la ih “Diamond duhnungte…” tin a facebook cahmai ah a tarlang.

Be the first to comment

Leave a Reply

Your email address will not be published.


*