An Hnenum Nauhak Kum 11 Mi Cu Tiso In An Tawih

Tanintharyi, Myeik District, Kyunsu khua ih hnenum hnaṭuan nunau nauhak kum 11 mi cu a pilepu in an vuak ciamco hnuah tiso in an tawih ih a taksa cu a kang thluh.

June 20, 2022 zanlam nazi 4:00 hrawngah rawldawr ih hnaṭuan nauhak kum 11 mi cu a pilepu Ko Zaw Lwin le Ma Chit Chit in an vaw ciamco ih tiso in an tawih bet. Vengsung mipi pawlin an hmu ih khua lal hnenah an sim thei, khua lal in nauhak cu ava hruaisuak ih siizung ah an tuamhlawm rero lai.

A tuamhlawmnak siivai man zaten vengsung ih um siidawr neitu pakhat in a tumsak ding thu a sim. Himi rawldawr ah zu le beer an zuar. Vengsung ih um pakhat in, “Dawr neitu Ko Zaw Lwin cu Kangyi khuami a si. A nupi Ma Chit Chit cu Shwegenyo khuami a si.

An hnenum nauhak te khal Shwegenyo khuami a si, a nulepa cu khua ah an um. An hnenum nauhak te hi sunnivu in hnaṭuan an fial, tidai an khaiter ringring. Tidai khai phahin nau a um man lo ruangah an vuak ih tiso in an tawih, a taksa hi zoh cii a si lo. A kang nasa tuk” a ti.

Vengsung mipi pawl ih heknak ruangah Ko Zaw Lwin tei nupa cu June 20 zanlam nazi 5:00 hrawngah palik pawlin an va kai.

Be the first to comment

Leave a Reply

Your email address will not be published.


*