An Inn A Kangral Ti Thawmvang A Theih Veten “2002 ah Bawipa’n In Pe Ih 2021 Ah A Lasal, Kum 20 Zikte In Saan (Hlanh) Ruangah Bawipa Hnenah Kan Lungawi”

October 29, 2021 zinglam nazi 10:50AM hrawng ihsin ralkap nunrawng pawlin Chin ram, Thantlang khawpi cu an urkang. Meikhu cu aum rero lai nan innkang cu aum nawn lo tluk a si, ralkap pawlin inn 160 luan an urkang.

Meithal mu le ral lakah innkang cazin hi an va la ih a cipciar cun a diklonak aum men thei. Thantlang innkang cazin an lak theimi cu Zunghmun veng ah – inn 56, Market veng ah – 52, Biakinn veng ah – 29, TABC vebg ah – 22. Lungtial veng ah – 3.

A zaten inn 163 a kangral. Inn neitu pakhat Pi Hniarte in “2002 ah Bawipa’n in pe ih 2021 kum ah a lasal, kum 20 zikte in saan (hlanh) ruangah Bawipa hnenah kan lungawi, kanmah cu kan him” tin a tarlang.

Market veng sungih inn neitu pakhat Pu Siang Or in “Thantlang cu ralram a si ruangah kan inn hi a kang leh ding ti cu ka rak ruatcia. Kan inn a kang timi thawmvang ka theih veten Pathian ka ko ih thlacamnak kan nei. Bawipa in tuartheinak in pe” tin a tarlang.

Be the first to comment

Leave a Reply

Your email address will not be published.


*