An Inn Ah Bomb A Tla Thutthi, Innsang Member (3) An Thi

Magway, Ywar Shay khua ih inn pakhat ah ralhrang pawl ih bomb a tla puak, inn sungih um innsang member (3) cu a hmun ah an thi cih. Kan dung May 15 sun ah kum 70 mi innsang pabik U Wet, innsang nubik kum 70 mi Daw Khin Htwe le an fapa kum 35 mi Ko Ye Myint cu bomb puak ruangah an thi.

Tualsung mi pakhat in, “Kan khua kiangkap ah doawknak zianghman aum lo, kan khuasung khalah ralhrang pawl an um lo, khuadai zet a si ih mipi khal an thlamuan. Asinan, kan khua kiangih umhmun khuar ralhrang pawlin san um loin kan khua cu an kap thutthi.

Ralhrang pawlin bomb vei 4 an kap ih bomb pakhat cu U Wet tei inn ah a tla puak ruangah innsang member 3 an thi, a dang bomb pathum puak ruangah kan khua inn 46 a kangral thluh” a ti. U Wet cu tokham sau ah a thi, a nupi cu ihkhun ah a thi ih an fapa cu innpar ah thicia in an hmu.

Himi inn ah innsang member 7 an um, an fanu (2) le an makpa, an tupa te cu hmundang ah an rak um ih an him. Khuami pakhat in, “An tantami innsang member 4 cu umnak ding an nei nawn lo ih harsatnak phunphun an tong” a ti.

Be the first to comment

Leave a Reply

Your email address will not be published.


*