An Inn Luahnak Ah Thla An Hmu, A Hlan Ah Mithi An Rak Um Zo

US, Minnesota khawpi ah nupa tuakkhat in inn an va luah ih thla an hmu. Zanṭim laiah thawmvang mak zetzet an theih ṭheu ruangah an inn sungah CCTV an ret. Cutin zankhat cu CCTV in pitar thla a zuk ngah, pitar cu zan ihnak kor thawn aum, innsung ih um an zawhte pahnih khalin an ṭih tuk ruangah cabuai hnuaiah an relh.

Pitar thla cu room pakhat ihsin ara suak ih an innsung ahcun a ding ringring, second 20 hnuah a hlosal. An inn sungah thla an hmuh ruangah an inn thuhla cu an zingzoi ih vengsung mipi pawlin a hlanah pitar pakhat lawng arak um.

Zan ihnak kor lawnglawng a hruh ringring, zan a itthat laiah a thi ih tualsung mibawmtu pawlkom in a ruak cu an buaipi tin an sim thei. Vengsung mipi pawlin CCTV video cu an zoh ve ih a hlan ih inn rak luahtu pitar a si, a sam umdan khal amah ciahciah a si an tiih an ṭih tuk.

An inn neitu khalin a hlan ih inn luahtu pawl khalin thla an hmu ṭheu, zan an itthat lai khalah zohtu nei in an theiaw ringring ruangah an suak sal arak ti. Inn luahtu pacang Joey in, “Keimahten TV ka zoh tikah ka dunglam ihsin in rak zoh ringringtu an um vekin ka theiaw ṭheu, dunglam ka zoh ih zohman ka hmu fawn lo.

CCTV kan zoh cu ka nupi in a ṭih tuk ih relsuak a duh nawn lo, kan ihkhun khan sungah pitar arak thi zo. Kan ihkhun khan sung cu hmun dang aiin a dai cuang, pitar thla hi ka hmusal duh. Ka hmusal asilen thu ka sut ding” a ti.

Be the first to comment

Leave a Reply

Your email address will not be published.


*