An Inn Zuar In Mipi Hrang Oxygen A Hlu Tum

Covid-19 natsia in Myanmar ramsung hmuntinkim a nuai ciamco ih damlo le mithi an tam zet zo. Cozah ṭhiṭha aum lo ruangah mipi le mipi an bawmaw rero.

Ayeyarwady, Hinthada khua ih um Nainng Htun Htun cu miharsa pawl bawm ṭheutu a si, an inn ting 2000 lenglo man cu zuar in mipi hrangah oxygen lei a duh thu a facebook cahmai ah a tarlang.

Oxygen bur 500 ih thleng duhtu an um asilen thlengawk a duh thu Mizzima thuthang hnenah a sim. Nainng Htun Htun in “Minung nunnak aiih sunglawi sawn zianghman aum lo.

Kan dam phot cun hringnun cu a thar in kan thoksal thei, kan inn le hmuan cu oxygen bur 500 in nan lei thei. Oxygen bur neilo pawl hrangah ka hlu duh” a ti.

Be the first to comment

Leave a Reply

Your email address will not be published.


*