An Innhmai Ah An Innkiang Tei In Motor An Va Ret Ringring, An Motor Retnak Hmun ah ‘Motor Kan Zuar’ Tin Ca An Tar Ih An Ret Ngam Nawn Lo

Mi ṭhenkhat cu mi innhmai ih motor ret an hmang zet, motor 2/3 nei pawl cu a remremnak hmun ah mi hmaisongnak nei loin motor an ret ṭheu.

Malaysia, Kota Setar khua ih um nupa tuakkhat ih an thiltuah cu a ṭha tuk tin online mipi pawlin an lawm rero. Hitawk hmun ah kum 2 sung an um zo ih an innhmai ah an innhnen tei in motor an va ret ringring, vei tampi an sim thei zo nan ziangah an ngaihsak lo.

An motor an laksuah a ṭul caan ah an innhnen tei cu an va ko ringring ih an motor cu an thawnter. An ning tuk ih ti ngaihnak an thei nawn lo, innhnen an si vekin hringhro awk leh an duh fawn lo.

Curuangah an innhnen tei motor ret ṭheunak hmun, an innhmai ahcun, “Motor kan zuar, mal awlten RM800 in kan zuar ih thildang a ṭulmi pawl khal a free thluh” tin ca an tar hnu ihsin an innhnen tei in motor an va ret ngam nawn lo.

Be the first to comment

Leave a Reply

Your email address will not be published.


*