An Innhmai Tikawng Ah Bursia Hawl Rero Lai A Hmu Ih A Zangfak Tuk Ruangah Fang Dipkhat Arak Pe

Myanmar ramsung ah siatnak phunthum a thleng. Ralkap nunrawng, Covid-19 natsia le tilian in mipi pawl an nuai ciamco ruangah an buai zet.

Ṭhenkhat cu ei le in an neih nawn lo ruangah ralkap le Covid-19 khal ṭih lo in ei le in hawlin an poksuak, ralkap le Covid-19 aiin rilrawng tihal ih thih an ṭih sawn. Bago Region, Taungoo khua ah pacang pakhat in a innsang hrang bursia zuar ding a hawl vivo.

Milian zet innhmai, tikawng ah buris a hawl rero lai cu innsung ihsin innsang nubik in arak hmu ih a zangfak tuk. An inn hnaṭuantu pawl a koter hnuah “Fangfai na duh maw?” tin a sut ih fang dipkhat a pe.

Bursia hawl pacang cu a lungawi tuk ih a thulhthiam hnuah “Unau-nu ka lungawi tuk, siatnak phunthum lak ihsin himnak co hram aw” a ti. Cun a thuhla malte a sut ih pacang fate 6 nei a si, ei le in an neih nawn lo ruangah an inn ah thantar var an zar ve nan an umnak hi a komker tuk ruangah zohman in an ra hmu thei lo a ti.

“Ka innsang pawl rilrawng ih an thih ding aiin rawl hawlin ka poksuak sawn” tin mitthli thawn a sim, fangcang dipkhat bu in lungawi zetin a tlung. Fang dip petu khalin an thuhla cu online parah a tarlang ih bawmnak arak pek ruangah a diriam zet thu a ngan.

Be the first to comment

Leave a Reply

Your email address will not be published.


*