An Innhnen Pa Cu ‘Na Kaa Rim A Sia Tuk’ Tin Haṭhuahsii A Pek Ruangah Cawh A Kuan

England, Cheshire khua ah innhnen remaw thei lo an um. Kum 2 lenglo an buai rero zo. An motor retnak ruangah an buai thok, kum 37 mi Steven in an innhnen tei motor retnak ah a motor ava ret ṭheu ruangah ṭongkam el’awknak phunphun a thleng.

Steven in an innhnen tei cu a ti hrim ṭheu, an motor parah lungto tla arak ret ṭheu. Zamṭim laiah le zingthlapit ah cet pawl a tuah ciamco ih an innhnen tei cu itthat thiam lo dingin a tuah.

Cutin ṭongkam an el’awk ciamco laiah Steven in na kaa rim a sia tuk a ti. A thaizing ah haṭhuahsii le haṭhuah fung a pe hrim ruangah an innhnen tei in taza an cuai ih £160 zat a kuan, court in buainak nei nawn lo dingin nun an sim veve ih pakhat le pakhat pehtlaihaw lo dingin, hrial aw dingin nun an sim hnuah an tlungter.

Be the first to comment

Leave a Reply

Your email address will not be published.


*