An Innhnen Tei In “Ka Fale Pawlin Na Taw An Hmu Duh Nawn Lo” Tin Ca An Kuat

England, Chelmsford, Essex khua ih um fala Alex Taylor cu zing ara tho ih a motor thlalang parah cahnah danglam zet a hmu. Cahnah cu an innhnen tei ih rak ret mi a si, “Inn sungah taklawng in vakkual nawn hlah, ka fale pawlin na taw an hmu duh nawn lo” tin an ngan.

Alex Taylor in, “Ka siar pekte ahcun ka lau tuk ih ka thinheng, taklawng in ka um dah lo ih bawngbite le t-shirt ka hruh ringring. Ka hringnun ah ka thilton makbik a si ding, annih ih cangan mi in ka nun a hngawn ban lo.

Ka innsung a si ih ka thuthu in ka um ding, ka thinhengnak cu kan innhnen an si ih sangka in ra king in ṭhaten in sim thei. Keimah khal in ra tong lo ih motor thlalang parah cahnah an ret men cu ka thinheng tuk, midang inn sung an rak zoh thup ih umdan ding in sim cu thildik lo a si” tin an cahnah thawn online parah a tarlang.

Online mipi pawlin an tan zet ih “Midang innsung ih thilthleng an hmu duh lo asilen zoh lo mei ding an si. Bawngbite le t-shirt na hruh lai, tipikap ih um pawl an hmu dah lo maw si ding. Mr. pacang pakhat khat in a lo zoh thup lai an kaiaw ngah a si men ding” tin a phunphun in an comment. (#Metro)

Be the first to comment

Leave a Reply

Your email address will not be published.


*