India, Madhya Pradesh ih um pacang kum 27 mi Vinod cu nitinten hnaṭuan ih eihawl ṭheu a si. An damnak dingah an temple ah ava feh ih thla a cam ṭheu nan an dam thei cuang lo ruangah an pathian lakah a beidong tuk ih an pathian lem pawl cu a siatsuah.
Tualsung mipi pawlin May 23 zinglam ah temple sungih milem pathum siatsuah mi cu an va hmu, himi temple sungah puithiam an um lo. Palik pawlin an zingzoi hngal ih Vinod cu an kai.
Thu an suhnak ah Vinod in, “Ka nupi le ka fapa kum 5 mi cu an dam thei lo. Kum 3/4 lai an damlo zo, an damnak dingah pathian hnenah thla ka cam ṭheu nan san aum lo. Kan dungte ah ka pate in in thihsan bet cu ka beidong tuk ruangah milem pawl ka siatsuah” a ti.
Milem a siatsuahnak ah satbul le thirzum a hmang thu khal a phuangaw, palik pawlin a thil hmanmi pawl cu tetti ah an laksak. Milem a siatsuah ruangah palik pawlin an kai ih thawnginn sungah an hruailut.
Leave a Reply