An Innsung Ah Rukru A Lut, Rukru A That Ruangah Kum 19 Sung Thawngtla Dingin A Thu An Ṭhencat

England, Merseyside khua ih um pacang kum 32 mi Karl in nikum October 29, 2021 zan ah rukru a that ruangah tualthat thubuai orhter in kum 19 sung thawngtla dingin a thu an ṭhencat. Himi zan ah a nupi le a fale pahnih thawn hmundang ah an feh.

Rukru Jordan in an inn a bauhsiat hnuah an thilri bungrua pawl a siatsuat. An sangka ih an retmi doorbell in Karl hnenah theihternak a pe, an innsung ah mi an lut ti theihternak a pe ih a naupa thawn an va kirsal. Rukru cu an innsung ah arak um lai ih Karl in nam in a dawt ciamco, a hmun ah a thi cih.

Karl le a naupa cu an kai ih tualthat thubuai an orhter. Thuṭhentu in, “Rukru Jordan hi vancungmi a si lo. Sualnak tampi a nei, asinan a thilsual tuahmi ruangah thih a phu lo” a ti. Rukru ih nu in, “Ka fapa hi mifamkim a si lo. Asinan, ka hnen ihsin lakhlo cu a phu lo.

A hnaṭuannak ihsin an dawisuak hnuah a thluak lam hnaṭuan dan a dik nawn lo. Siizung ah kilkhawi dingin kan hngak rero lai ah in thihsan” a ti. Karl ih naupa khal tualthatnak ih a telve ruangah kum 2 sung thawngtla dingin a thu an ṭhencat.

Be the first to comment

Leave a Reply

Your email address will not be published.


*