An Kaihmi CDM Lut Tlawng Sayama 2 Cu Kum 3 Sung Thawngtla Dingin An Thu An Ṭhencat

Tanintharyi Region, Myeik Township ih tlawng sayama pahnih Daw Nay Chi Htwe le Daw Chit Myat Thu cu ralkap kuthnuai ah hna kan ṭuan duh lo tin CDM ih an lut ruangah ralkap pawlin March 31 ah an kai.

Myeik khawpi ih um tlawng saya U Nyein Chan Oo khal April thla ah an kai. June 13 sunah an pathum ih thuhla cu court in a buaipi ih kumthum sung thawngtla dingin a relcat.

Khuasung mi pakhat in “Daiten an duhhrilnak cu CDM tuahnak in an langter ruangah an kai, Myeik Prison thawnginn sungah an khum” a ti.

Tanintharyi Region sungah CDM tuah tlawng saya/sayama, tlawnginn ih hnaṭuan minung 7,236 zat cu ralkap in an hna ihsin an ban, ṭhenkhat cu kaih an tum ruangah hmun dangah an tlan.

Tanintharyi tlawng saya pakhat in “Ralkap in nauhak pawl tlawngkai dingin thu an suah nan zirhtu tam sawn in CDM an tuah ruangah tlawnginn tam sawn cu tlawngkai thei loin an um. Ṭhenkhat tlawnginn cu an ong nan tlawngkaitu nauhak an mal tuk” a ti.

Be the first to comment

Leave a Reply

Your email address will not be published.


*