An Kaihmi Kalay-PDF Cu Hmundang Ah An Hruai Ih An Kapaw

November 16, 2021 ih an kaihmi Kalay-PDF cu November 18 zinglam ah ralkap pawlin hmun dangah an fehpi. Nagar Puk khua ah an fehpi, zing nazi 10:00 hrawngah PDF (Kalay) pawlin Nagar Puk khua ih umhmun khuar ralkap pawl cu an va kap ih tu’khalah an doaw rero lai.

Kalay University ih umhmun khuar ralkap pawlin pukpi thawn Nagar Puk khua lam cu an kap ciamco, culai ah Kalaymyo lam ihsin poksuak ralkap pawl cu Chinsaing khua kiangah an cawl lawk ih Kalay-PDF in an rak kamciami bomb pathum cu an puah ruangah ralkap 15 an thi.

Sun nazi 2:00 hrawngah ralkap pawl cu Chinsaing khua sungah an va lut ih ar vulhnak hmuan le inn 10 hrawng an urkang. Ralkap pawl ih an kaihmi Kalay-PDF cu mipa 2 le nunau 10 an si, zuk an tarlang mi ah nunau pakhat le mipa pahnih hi an lang lo ih an dinhmun khal theih a si hrih lo.

Kalaymyo ramsung ah mipi kilhimtu le ralkap pawl an doaw rero lai ruangah khuasung mipi pawl khal ralringten um dingin le Kalay-Gangaw lamzin ah feh hrih lo dingin theihter an si.

Be the first to comment

Leave a Reply

Your email address will not be published.


*