An Kaihmi Kalay-PDF Mipa 2 Ih Nunnak Seherh Um !!

November 16, 2021 zinglam ah ralkap pawlin Kalay-PDF sakhan pakhat an va sim ih an kapaw ciamco. Sakhan ih um Medical Team nunau 8 le mipa 2 an kai.

An kaihmi mipa 2 cu an that zo tin thuthang theih a si nan Kalay-PDF in an nenhnget thei hrih lo thu an tarlang. An kaihmi mipa 2 cu an thi maw an nungdam ti theih a si hrih lo, nunau 8 khal seherh um zet an si.

CNDF, Kalay-PDF, CDF (KKG) le ပ.က.ဖ pawl an tangtlang ih ralkap pawl thawn an kapaw ciamco, zinglam nazi 9:00 ihsin zanlam nazi 6:00 hrawng tiang an kapaw ih ralkap lam 20 lenglo an thi ih hliamtuar khal tam zet an um. Mithi le hliamtuar cazin hi an zingzoi rero lai.

Himi an doawknak ah mipi lam mithi an um lo. Tahan vengsung ih um palik sakhan khal ralthuampi le meithal in an va kap. Tuizing November 17, 2021 zinglam nazi 8:00 hrawng ihsin an kapaw sal thu People’s Defence Force – Kalay ah an tarlang.

Be the first to comment

Leave a Reply

Your email address will not be published.


*