An Kaihmi PDF (2) Cu Sakhan Sungih Um Ralkap In A Runsuak

Magway, Myaing ralhrang sakhan sungih an kaihmi PDF mino (2) cu sakhan sungih um ralkap in a runsuak. An kut le ke an hrentannak cu a phelhsak ih a tlansuahter.

Ralhrang sakhan sungah mipi lamtang ralkap/palik ṭhenkhat an um ih Watermelon Pawlkom tin an ko. Ralhrang sakhan sungih thilthleng cu video in an rak zuk thup ih midang fehtlang in online parah an tarlang ṭheu.

Kan dung June 12 ah ralhrang pawlin khuasung mi 20 le PDF 2 cu an kai. Khuasung mi pawl cu an suahsal nan PDF 2 cu sakhan sungah an hrentang. July 14 zan nazi 8:00 hrawngah mipi lamtang ralkap in an hrentannak pawl cu a phelhsak ih hmunhimnak lamah an tlansuahter. Humhim awknak ah an hmin cu tarlang a si lo.

We Love Mying ṭuanvo neitu in, “July 14 zan ah sakhan sungih um Watermelon in a tlansuahter. Watermelon ti lawngin kan ko ding, PDF 2 cu hmunhimnak ah an um zo. Watermelon khal a him, Watermelon in harsat zetin ralhrang pawl an do thu mipi pawl hnenah rak sim thei uh tin a cah ta. Humhim awknak ah an hmin cu kan tarlang lo ding” a ti.

Be the first to comment

Leave a Reply

Your email address will not be published.


*