An Kaihmi Sinak Thlengaw Tu Cu Nasa Zetin An Hrem >>>

Mandalay lamzin 748th le 9th karlak, Upoptaw apartment ih um sinak thlengaw tu Ma Saw HanNwe Oo cu cangan thiam pakhat a si. September 6, 2021 ah ralkap pawlin an inn ah an va lutchilh ih KIA hnenah raldodan na zir tin pukmah 505 thubuai orhter in an kai.

Mandalay thawnginn sungah an khum ih October 19 zanlam ih an suah zalen mi lakah a telve. Tu’ahcun hmunhimnak ah aum zo ih thawnginn sungih a thilton cu media hnenah a sim thei. Ma Saw HanNwe Oo in, “Thawnginn aiih har sawn cu ralkap pawl ih thusutnak hmunpi hi a si. In kaih sun September 6 sundir ihsin in hrem ciamco, nihnih sung nasa zetin in hrem.

Nam thawn in at, tisa in in tawih. Meithal tawko in ka ke ah an sawh, wire hridai hi veithum veili hrawng an hrual hnuah in vuak ciamo. ‘Na taksa na at’aw zo maw tin ka taksa zohthian lonak khal an zoh rero. Ka hmai ah in beng ih in sit ciamco, ka mit khal an tuampit thluh. Ka taksa khal cang thei lo dingin an tawnbet.

Ramkhel thuhla ruangih an kaihmi kannih vek sinak thlengaw tu pawl cu nunau vekih zoh ding kan si nan thawnginn sungah harsatnak phunphun kan tong. Thawnginn ka thleng tikah cun nunau thawnginn sungah in khum lo, in hringhro hnuah mipa kor in hruhter ih mipa pawl thawn bangrep in in umter. Thawnginn sung khalah ralkap pawlin mi hlothlau nu, tuai nu tin capoh le hnihsuak sainak ah in hmang ṭheu” a ti.

Be the first to comment

Leave a Reply

Your email address will not be published.


*