US, Pennsylvania State, Centralia khua te cu mipi pawlin an suahsan. A hlan ahcun khawnuam zet arak si. 1890 kum ah mipum 2,700 hrawng an khuasa, 1980 kum ah mipum 1,000 an um.
2020 kum ahcun minung 5 lawng an um. May 1961 kum ah an khua ah thil danglam zet a thleng. Hnambal hlonsak hmun a kang, kangmei in leihnuai ih um gas le lung alh theih pawl a kangkai ih an leihnuai cu a alh ciamco.
An khua leihnuai a alh vutvo, mithiam pawlin kangmei cu an thelhmit tum rero nan tuini tiang an mit thei lo. An khua leihnuai alh in an boruak khal a thleng danglam, khua a hlum in meisa lakih pho aw vek an si.
1981 kum ah tleirawl kum 15 mi cu an hmuanchar ah a lek rero laiah leikua sungah a tla, pi 150 ah a tla ih a upa in a runsuak thei.
Cumi hnu ihsin an khua hi a him nawn lo ti an thei, thil ṭihnung zet an tong ding ti an phang ruangah an khua cu siang lo zet cingten an suahsan. An khua lutnak ah ralrinnak ca an tar, hmun dangdang ih um pawlin Centralia khua cu an va zoh ṭheu.
Leave a Reply