An Khua Nauhak Pawl Tlawng An Kai Lo Ruangah Buainak A Suak, Minung 17 Hrawng An Thi

Tuisun 5, 2021 ih Myanmar thuthang an buaipimi bik pakhat cu Ayeyarwady, Kyonpyaw Township, Hlae Swe khua ih thilthleng a si. An khua nauhak zohman tlawng an kai lo ruangah tlawng sayama le khuasung mipi karlakah buainak a suak.

Curuangah tlawng sayama in thuthang dik loin ralkap pawl hnenah a hek, khuasung mipi pawlin meithal an nei tin a hek. June 5 zinglam nazi 3:00 hrawngah ralkap tam zet cu an khuasung ah an va lut ih thusutnak nei phah in khuasung mipi pawl cu an vel ciamco.

į¹¬henkhat an kaih ruangah khuasung mipi in an tuar thei nawn lo ih an hmuhhmuh hriamhrei kengin ralkap pawl cu an do, an hriamhrei hmang mi cu saihli le thli meithal lawng a si. An khua ah PDF pawlkom an um lo, ralkap pawlin sniper le ralthuam picang zetzet in an kap ciamco ih minung tam zet an thi.

Khuasung mipi nauhak upa, pitar putar pawl cu ramlakah an tlan thluh. Ralkap in nauhak kum 4 mi khal an kap that, mithi ruang cu lamzin kap ah an ril phengpheng ih zohman in an la ngam hrih lo.

An khuasung ah ralkap pawlin umhmun an khuar ih an khua kiangkap ih um mipi pawl cu thu an sut rero lai. Tuisun an doawknak ah ralkap lam in khuasung minung 4 lawng an thi tin an tarlang.

Ramlak ih relh khuasung mi in “Mithi ruang cu khinah 2, hinah 3 tin an ril phengpheng. Minung 20 lenglo cu an hlo, an thuhla kan thei nawn lo. Minung 17 hrawng an thi an tiih 17 ai khalin an tam thei, kan theifiang hrih lo. Khuasung ah mi į¹­henkhat an tang lai nan phone thawn kan pehtlaih thei hrih lo’ a ti. Hliamtuar bese zetzet 9 an um nan an tuamhlawm thei hrih lo ih ramlakah an tlan ve.

Be the first to comment

Leave a Reply

Your email address will not be published.


*