An Kutsih Laitak Ah Mopa Cu A Nu In Kedam In Ava Vua

India ramsung ah kutsihnak danglam zetzet a thleng thei, online san a si vekin lenglam ih thilthleng cu online fehtlang in leiltun mipi pawlin an rak hmu thluh hngal ṭheu.

Nupi pasal neih ni cu ni sunglawi bik an rak ti ṭheu nan tuiṭum ih mopa hrangah cun a sunglawi dan a danglam nasa ding.

Uttar Pradesh, Hamirpur district ah mopuai cu an nei ih kutsihnak an neih laitak ah mopa ih nu cu donsang parah ava kai ih mopa cu a kedam in a vua ciamco, mipi khal an mangbang tuk ih an zoh ringring lawk men.

Cumi hnu reilote ah mipi ṭhenkhat in a nu cu an va hruai ih lenglam ah an suahpi. Mopuai ih um mipi pawl khalin thilthleng cu an theithiam lo lawk ih an mangbang tuk.

Media pawlin thilthleng cu an zingzoi vivo ih mopa in an miphunpi si lo, miphun dang fala cu nupi ih a neih ruangah a nu in a vua ti an thei. Thilumdan cu: Miphun dangdang fala le tlangval cu an duhaw ih mipa lam innsang pawlin an duhpi.

Curuangah nulepa lungkimnak tello in court ah neihawknak an va tuah ih an umtlang. Court ahcun an neiaw zo, nunau lam innsang pawlin kutsihnak mopuai an tuahsak nan mipa lam innsang pawl an sawm ve lo. Cutin, mopuai an tuah ti a nu in a theih veten ava feh ih a fapa cu a kedam in a vua.

Be the first to comment

Leave a Reply

Your email address will not be published.


*