An Lamzin Sia Tuahtu An Um Lo Ruangah Thlacamnak An Nei

India, Bengaluru khawpi, Charles Campbell vengsung ih an lamzin cu a sia tuk ih vengsung mipi pawlin harsatnak phunphun an tong.

Ruahsur caan a si vekin an lamzin hi a sia deuhdeuh, tlunlam upa hnenah an theihter ṭheu ih ra tuah ṭhatu ngaingai an um dah lo ruangah an beidong tuk ih vengsung mipi pawl cu an koaw khawm ih lamzin sia ahcun thlacamnak an nei. An pumkhawmnak cu puithiam 2 in an kaihruai.

Himi lamzin sia ruangah accident tong, hliamtuar le mithi um nawn lo hram seh tin thawinak an tuah. Vengsung mi pakhat in, “Kum 20 sung ka um zo ih zohman in lamzin an ra tuah ṭhah dah lo, tlunlam upa pawl hnenih thlen khal kan ning tuk zo” a ti.

Vengsung nu pakhat in, “Kum 5 liamzo ah veikhat cu an ra tuah nan an tuah lo thawn a bangaw, a sia lohli hngal” tin media hnenah an sim thei. (Source: Indian Express)

Be the first to comment

Leave a Reply

Your email address will not be published.


*