An Meeting Tikah Putin Cu Cabuai Cemnak Ah A Hranten A To Ṭheu, A San >>>

Kum 69 mi Vladimir Putin hi mi danglam zet a si, leitlun ram hruaitu pawl thawn meeting an neih tikah cabuai zik ah a hranten a to ṭheu.

German le French ram hruaitu thawn an tonawk ṭum khalah a hranten a to, hmun dangih an meeting-nak ahcun a tonak hi a hlan tuk ruangah long-speaker tla an hman phah. Leitlun mipi pawlin ‘Hitin a hranten a tonak san cu Covid-19 ruangah a si ding’ an ti.

Asinan, Russia ralbawi hlun in, “Hitin a hranten a to ṭheunak cu ṭihnak ruangah a si. Putin hi mi fimkhur zet a si. An meeting-nak ah that tumtu an um pang ding ti a zum ruangah a hranten a to ṭheu, inn ih aum tik khalah bodyguard ṭha zetzet in an kil ringring. Covid-19 ruangah a si lo, ṭihnak ruangah a si” a ti.