Mithi Ruak An Phum Ve Lo, Kham Ah An Khen Tang

Thihhloh tikah phumawk dan a phunphun in aum. Ṭhenkhat cu leilung ah an phum aw, ṭhenkhat cu an urkang. Ṭhenkhat cu tipithuamthum ah an thlahliam.

Philippines, Sagada khuate ahcun an thihhloh tikah lungto umnak kham lakah mithi kuang cu an khen tang.

Hlanlai an pilepu san ihsin an rak hmang rero mi a si, kum 2,000 liamzo ah an pilepu pawlin an rak hmang zo. Mithi kuang an khennak cu feet 6 ih sang tengteng a si ding.

An ruahnak ahcun leimin, tilian le thlisia ih siatsuah theilonak hmun a si. Van an kainak khal a awlsam cuang ding tin zumnak an nei. An thih hlanah an thlankuang khentangnak ding hmun cu an tuahcia ṭheu. China hmun ṭhenkhat le Indonesia ram khalah an hmang ṭheu.

Be the first to comment

Leave a Reply

Your email address will not be published.


*