An Neiaw Ih A Thaisun Ah A Nupi In A Thihsan

Malaysia fala le tlangval tuakkhat cu an duhdawtaw zet ih October 23, 2021 ah an neiaw. An kutsihnak ah an sungkhat rualpi pawl thawn an nuamaw zet, an hmin cu Mohamad Amirul le Siti Saraf an si. Kum 25 mi veve an si.

An neihawk zan ah monu in mopa cu a thangharh ih a lu na tuk thu a sim, cumi hnuah an itthat sal. Zinglam tiang cu a buai nawn lo. Cutin zing an tho tikah cun a thawsam ciamco ruangah siizung ah an tlanpi.

Siizung an thlen hnu reilote ah sibawi pawlin a thih thu an phuang ih a thihnak san cu a thluak sungah thisen lut (Brain Haemorrhage) natnak ruangah an ti. Mohamad Amirul in “A thawsam ruangah ambulance ka ko hngal ih siizung ah kan tlanpi, sun nazi 12:30 ah a thi tin an nenhnget” a ti.

Nazi 24 sung khal an neiaw man lo nan a thinlung sungah a cam ringring ding. A nupi cu a thih hlante ah “Kan neiaw zo…” tin thawsam cingin a netabiknak a ṭongsuak ta. An thuhla cu leitlun mipi pawlin an thei ih an lainat tuk, tuarpinak phunphun an langter ih lusun innsang cu an theitawk in an hnem rero.

Be the first to comment

Leave a Reply

Your email address will not be published.


*