An Neiaw Thluh Ciah Mithi Ruak An Vuiliam

Mithi ruak vui cu mi ṭhenkhat in thil ṭihnung lamah an ruat, asinan thil ṭihnung asilo ih thilṭha tuah sawn a si. Yangon ih um fala le tlangval tuakkhat cu hlunghlai zetin an neiaw, an hmin cu Maung Zin Phyo Aung le Ma Htet Htet Htwe an si.

An pahnih in mithi ruak vuinak Funeral Service Association (Yangon) ah hnaṭuantu an si, Maung Zin Phyo Aung cu ruak vuitu le motor mawngtu a si ih a nupi cu a hmunram pawl rak thianfaitu a si.

Sun nazi 1:00 ihsin simlam nazi 3:00 tiang kutsihnak caan an hmang, an neihawknak ah an hnaṭuanpi le an pi le pu pawl khal an tel thluh.

An neihawk thluh ciah ah mithi ruak vui ding an nei ih nupa tuak thar cun thilṭha tuahnak ah tin mothuam thawn mithi ruak cu an va vuiliam. An vuiliammi mithi cu Bo Tay Za veng sungih um pitar kum 81 mi Daw Tin a si. An neiaw thluh ciah ah thilṭha an tuah hngal cu mipi in an lawm zet.

Be the first to comment

Leave a Reply

Your email address will not be published.


*