An Neihawk Hnu Ni 2-Nak Ah AC Ruangah An Ṭhen Aw

China, Henan province ih nupa tuak thar cu Air Conditioner (AC) thuhla ruangah ni 2 hnuah an ṭhen aw. July thla ahkhan an nei aw ih khuahlum laitak a si, an ram khuahlum hi 41 degrees a thleng.

Himi sun ah mothar in AC a ong ih a ni in a duh lo ih ṭongkam an el aw. AC on ringring cu sumpai tampi a cem tin ṭongkam an el aw sosang vivo ih a ni cu thinheng in a suak. A pasal in a nu cu ava hawl ih zanṭim laiah an tlung, inn an thleng hnuah an nupa in ṭongkam an el aw ciamco.

Mothar in, “Ka riahsiat laiah na nu maw na tan sawn ding?” a tiih a pasal in inn ihsin suak hngal aw’ a ti. An neihawk hnu ni 2-nak ah AC ruangah an ṭhen aw. China ramsung ah nupa ṭhenawknak hi a tam zet.

2022 July thla tiang ah ṭhenaw dingih thubuai thehluttu mi 514,000 an um. Curuangah thuṭhentu in ṭhenawk a siang hnuah daiten ni 30 sung aum tlangter ṭheu, himi ni 30 sungah an remsal aw, ṭhenawk an duhsal lo asilen an thubuai thehlut mi cu an hlonsak ding tin theihternak an suah.

Be the first to comment

Leave a Reply

Your email address will not be published.


*