An Neihawk Ni A Thleng Hlanah A Pasal Ding Cu A Hngawng Ah Nam In A At

India, Andhra Pradesh ih um nunau kum 22 mi in a pasal ding cu a hngawng ah nam in a at. Hmai thla ih neiaw mai ding an si, an neihawknak ding hrang thil ziangkim an tawlrel thluh zo.

Tlangval Ramu cu cathiam sang a si, fala in Ramu cu a rualpi pawl thawn a hmeltheihter awk hnuah tlangpar kai dingin a sawm. Tlangpar temple kiangah nazi pakhat sung hrawng an va um ih an áš­um laiah fala in ‘surprise laksawng ka lo pe ding’ a ti.

A mit a singter ih a mit cu puan in a tuamsak, cutin a hngawng ah a at ih fala cu a tlan tlung. Ramu cu a hngawng ihsin a thisen a irhsuak ih a talbuai, bawmnak dingin a au ih a vanáš­hahnak ah kiangkap ih um pawlin an va hmu ih siizung ah an tlanpi lohli.

Siizung ah an tuamhlawm rero lai ih a dinhmun cu a sia zet nan a nunnak hrang thinphang um a si lo. Palik pawlin thu an suhnak ah fala in pasal ah a nei duh lo thu a sim thei, a nulepa lungkimnak ih neiaw ding an si.

A nulepa hnenah a nei duh lo thu a sim nan a nulepa in a thu cu an ngai duh lo, neiaw dingin thil ziangkim an tawlrel sak thluh ruangah nam in a at thu a phuangaw. Palik pawlin an thubuai cu an zingzoi vivo ding.

Be the first to comment

Leave a Reply

Your email address will not be published.


*