An Nufa In An That

Myanmar ramsung ah Covid-19 thlisia a hrang lawk ih hnaṭuan thei loin mipi pawl an khumaw thluh. Cumi hnuah rampi a buai ih zocio khal an harsa, hnaṭuan ding aum lo ih sumpai lailutnak aum nawn lo ruangah rambuai laiah misual le suamhmang an pung ciamco.

Myanmar ramsung ah ralkap pawl lawng siloin misual le suamhmang khal an tam zet. May 24 zanlam nazi 6:00 hrawngah zo ti theih lo misual in Mandalay ih sui dawr neitu nufa an that, tualthattu cu an kaingah hrih lo.

An vengsung ah bike thawn mi 2 an phuraw ih an innkot ah an cawl, pakhat sawn cu an inn sungah ava lut ih pakhat in innleng ihsin arak hngak.

Cumi hnu reilote ah vengsung mipi pawlin an innsung ihsin authawm an thei, innleng ah an suak ih an innsung ihsin mi pakhat a tlansuak lai an hmu. Innleng ih um bike thawn an phuraw ih an tlanhlo hngal tin vengsung mipi pawlin an rel.

Vengsung mipi pawlin an innsung ih thilthleng cu an zoh lohli ngam lo ih palik hnenah an sim hmaisa. Zan nazi 8:15 hrawng lawngah vengsung upa le palik pawlin an innsung an va zoh ih mithi ruang 2 cu an hmu. Zohdiknak nei dingin mithi ruang cu siizung lamah an phur, misual in an that lawng siloin an thilri khal an laksak ti an thei.

Be the first to comment

Leave a Reply

Your email address will not be published.


*