An Nupa In An Zukawk Laiah An Fapa Cu Tili Ah A Pil That

Thailand innsang nu kum 26 mi Wiyada cu online sungih milar a si ih model a ṭuan. Valentine’s Day, February 14 simlam ah a rualpi pawl thawn party an tuah ih an nuamaw zet.

An party-nak ah model pawl khal an tel ih zu le sa thawn caan an hmang, a fapa le nauhak dang khal swimming pool ah an rak lek rero. Wiyada cu online sungih a tar dingah tin a pasal in a zuk rero, cutin an hnok cece laiah a fapa kum 2 mi cu swimming pool sungah a pil that. A fapa ih suahcam birthday khal a thleng zik te.

A pasal in a hmuh veten tili sungah ava dawp nan a tlai zo, siizung ah an tlanpi lohli nan sibawi pawlin a thi zo an ti. Runsuaktu pawlkom in, “Kan theitawk in kan cangvai nan a nunnak cu kan runsuak thei nawn lo.

Swimming pool ah nauhak nan hruai asilen fimkhur cio uh, a nulepa cu riahsia in an ṭap rero” a ti. Model Wiyada in, “Ka lung a kuai, nun ka duh nawn lo. Ka fapa ara kirsal theinak dingah thlaza ka cam” a ti.

Be the first to comment

Leave a Reply

Your email address will not be published.


*