An Pathian Puai Ah An Cangsual Ih Minung 15 Tiva Ah An Fen That

Mon State, Thanbyuzayat Township, Kyaik Nae Yele purang kiangah pathian puaipi an hmang ih vanduai thlak zetin cansualnak an tong ruangah minung 15 cu tiva ah an fen that.

November 21, 2021 zinglam ah lawng thawn puai hmang dingih feh cu an lawng a let ruangah siatnak rapthlak zet an tong. Mibawmtu pawlkom in mithi ruak pawl an hawl rero hnuah an sar thluh zo.

Mibawmtu in, “Mithi ruak zaten kan sarsuak thluh zo” tin media hnenah a sim thei. Hitawk hmun ih puai hmang ding Kyainseikgyi khua mipi pawl cu lawng thawn an va feh ih ti a lian thutthi ruangah cansualnak an tong.

Lawng parah minung 40 an to ih lawng a let ruangah minung 15 an thi. Minung 25 in hliamhma natuk lo an tuar ih an zaten an runsuak thluh zo. Kumtinten cuvek caan ah hitawk hmun ah pathian puaipi an hmang ṭheu.

Be the first to comment

Leave a Reply

Your email address will not be published.


*