An Raldonak Ramlakah KIA Ralkap Pakhat Cu “Covid-19 In Na Nu A Thi” Tin An Sim Veten Amahten Nau Bangin A Ṭap Rero

Kachin mino Naw Mai cu ram le miphun hrangah tin ramlakah aum ih thuneihnak latu ralkap pawl a do ṭheu. Ruahsur, khuasik lakah caan a hmang ih ei le in ṭha khal an nei lo nan a nui thucah ruangah beidong a tum lo.

Hringtu a nu cu Covid-19 in a damlo ti a theicia ih a seherh thei tuk. A nu in “Ka pafa, ka damlo ruangah na thinhar hlah. Na nu hi ka dam vivo ding sokhaw, keimah ruangah dungsip hrimhrim hlah maw.

Hi dothlennak ah nehnak kan co lo asilen ralhrang pawl an lal vivo ding, kan tesin fa tiang an rung ukbet pang ding” tin a cah. July 16 ni ahcun “Oxygen a cem ruangah na nu in in cemsan” tin an sim thei cu a thinlung pacannak khal a nosal ih ramlakah nau bangin a ṭap ciamco.

A rualpi pawl khalin an hnem thei lo, Naw Mai in “Ka nu, ka tuar thei lo…” tin a ṭap. A nui thucah vekin dungsip a tum lo ih ram le miphun hrangah hmailam a pan vivo tum, KIA ralkap pawl khalin tuarpinak an langter.

Be the first to comment

Leave a Reply

Your email address will not be published.


*