An Ram Hruaitu Hnenah “Kan Khua Lamzin A Ṭha Hlanlo Pasal Ka Nei Lo Ding” Tin Ca A Kuat Ih A Hlawhtling

India, Karnataka State, H Rampura khuate ah minung 300 hrawng an khuasa ih lamzin an nei ṭha lo tuk ruangah buaibainak an tong ringring. An khua fala kum 26 mi Bindu R D in an ram hruaitu Chief Minister hnenah ca a kuat ih “An khua lamzin a ṭha hlanlo cu pasal a nei lo ding” thu pawl a ngan.

Bindu in “Kan khua lamzin a ṭha lo tuk ruangah bus tipawl aum lo, kan khua ah phun 5th tlawnginn primary school lawng aum. Phunsang deuh kan kai duh asilen khua dang, km 14 ih hlatnak ah kan feh ringring a ṭul.

Curuangah kan khua nunau pawlin zirhnak an cawlhsan phah, kei cu hostel ah ka um ih zirhnak lam ka thehsuak thei. Kan khua nunau lakah keimah lawng Masters course zirsuak umsun ka si, kan khua hrangah ka ausuak lo asilen zoso ausuak ding..” tin a ngan tel.

An khua lamzin a ṭha lo ruangah tlawngkainak, siizung le bazar kainak ah an buai thei zet. A cakuat cu an ram hruaitu in arak hmu ih an khua ah ava feh cih.

Davangere Deputy Commissioner in an khua cu ava vehvai ih an khua thlennak dingah km 2 cu ke in a feh. An ram hruaitu in an khua ih ṭulhaimi pawl cu tuahsak lohli dingin a tiamkam ih lamzin khal tuah hngal dingin a kuthnuai pawl a fial. (#India Times)

Be the first to comment

Leave a Reply

Your email address will not be published.


*