An That Ding Mi Thawngtla Thawn An Neiaw, A Innsang Pawl A Bum

British nunau kum 26 mi Rebecca in US ramsung ih thawngtla pakhat a ngaihzawng. Rebecca in thawngtla pawl zuk an tarnak ihsin arak hmeltheih, cutin cakuat le phone hmangin an biaaw ṭheu.

A tlangval kum 35 mi Manuel cu 2008 kum ah ritheihsii lei ding a hawl ih cutawk ah mi pahnih a kap that ruangah 2010 kum ah thihdaan an orhter. Rebecca in a nulepa hnenah US ram ah cawlh hman in ka va tlawng lawk ding, Disney World ah ka feh ding’ a ti.

Disney World ahcun a feh ngai ih zuk khal a kuat, asinan April 13 sun ahcun a tlangval thawngtla thawn kutsihnak an nei ih a nulepa in mak an ti tuk. A tlangval ih nu in, “Tuisun ah ka fapa in nupi anei. Congratulations” tin online parah a tarlang. Rebecca hi tualthat zuknung documentaries zoh ngaina zettu a si.

Rebecca in, “Mi famkim zohman kan um lo, a liamzo an caan ihsin thuṭhensak ding kan si lo, minung mizia cu a thlengaw danglam thei ringring. Ka duhdawtmi parah cun ka rinum thei tuk, thihnak lo cun in ṭhen hlah seh” a ti. Himi thawnginn sungah thihdaan orh thawngtla 113 an um, thihsii thawn an dawt that hlanah kum 17 hrawng thawnginn sungah caan an hmang ṭheu.

Be the first to comment

Leave a Reply

Your email address will not be published.


*