An Thih Hlante Ah An Lungthlitum An Tuahsak Ta (Zuk 18)

“Siibawi khal an thi” timi thufim aum, damlo pawl tuamhlawm dam theitu ih kan ruatmi siibawi pawl khal damlonak ruangah an thi thotho. Leitlun ah nungdam ringring ding zohman kan um lo, a thupi bik mi cu kan damlai ah kan lungthlitum kan tuah ngah maw ti a si. An thih hlante ih an lungthlitum an tuahsak mi pawl ih zuk kan tarlang ding.

(1) “Ka pu hi a thih hlante ah a in ṭheumi beer in a cak tuk. A umnak nursing home ah ka va feh ih a duh zetmi beer cu ka pe, zarhkhat hnuah mual in liamsan. A beer in netabik khal a si”.

(2) “Ka pi in cancer nat dam thei nawn lo anei, kum 15 sung cancer nat arak sual rero zo. Mizan ah ka pu thawn aipuang zetin an lamtlang rero lai ka hmu ih ka zuk, a thaizing ah mual in liamsan”.

(3) A thih hlante ah a feh duhnak hmun, zuk rehnak museum ah an fehpi.

(4) “Ka pi cu a thih hlante ah tipikap ih feh a cak tuk ruangah ka va fehpi, a mithmai ah lungawinak a khat”.

(5) Ralkap ṭuan zo putar cu a damlo besia, an tuamhlawm dam thei nawn lo ruangah a duhmi bik an tuahsak. Parachute thawn vanzam in an dawppi.

(6) Nunau nauhak kum 5 mi Mary cu cuap damlonak anei ih siibawi pawl khal an beidong zo, a thih hlante ah a lungthlitum an tuahsak. A lungthlitum cu a rualpi ṭhabik thawn neihawk a si, a rualpi thawn an duhmi Mickey Mouse le Minnie Mouse zungbun an peaw. Siizung ihkhun parah kutsihnak an tuahsak, cumi hnu nazi 6 ah Mary cu a nui tangsung ah catuan ram a fehliam.

(7) Kum 3 mi nunau nauhak te ih lungthlitum cu siangpahrang le siangpahrangnu tong a si. A nulepa in sumpai an nei lo ih Disney Ṭorld ah an fehpi thei lo, curuangah an sungkhat cu siangpahrang le siangpahrangnu vekin an thuamaw ih an va tong cu a lungawi tuk.

(8) A thih hlante ah Dolphin nga lek rero lai a zoh ta.

(9) A thih hlante ah a lungthlitum an tuahsak, zawhte fate thawn umtlang a si.

(10) Nauhak kum 8 mi cu a thih hlante ah a pa vekin ralkap an ṭuanter ta.

(11) Tleirawl kum 15 mi Karinya Chen cu ruh cancer anei, kum 5 sung ruh cancer a sual hnuah a lungthlitum cu leitlun hlasakthiam hminthang Florence & The Machine hmuh a si. Florence & The Machine in siizung ah an va vehvai ih a kiangah hla an sak, thazang an pe ih a lungawi tuk. Cumi hnuah hnangamten a thi.

(12) Jack Benny in a thih hnuah zingtinten a nupi in pangpar dawng dingin arak cah ciah, a thih hlanah pangpar zuarnak hmunpi ah a lungthlitum cu a sim thei ih zingtinten an inn sangka hmaiah pangpar va ret ṭheu dingin a fial. A thih hnuah zingtinten an inn sangka hmaiah pangpar an va ret sak ṭheu.

(13) A thih hlanah a cak zetmi leivut an thamter ta.

(14) A thih hlanah a suahsemnak khua cu vansang ihsin a cuan.

(15) A thih hlanah a farnu naute suak pekte a pom ta.

(16) A thih hlanah a duhbik mi a rang fate thawn an tongaw ih a mangṭha.

(17) A thih hlanah a ruak vuinak ih cemliam dingmi sumpai a hawl duh, a thih hnuah a nulepa in harsatnak an tong ding a siang lo. Samaria miṭha pawlin an bawm.

(18) A duhdawt zetmi a ar a pom ta.

Be the first to comment

Leave a Reply

Your email address will not be published.


*