An Thih Tiang Ralkap Uknak Kan Duh Lo Ti Langter Tu Mino 2 Ih Nulepa Cu Ramlakah An Ṭap Rero

Kayin State, Sanpiah peng 6-nak ih um mino kum 17 mi le kum 18 mi Fidelle (ဖီဒေးလယ်) le Pascalle (ပါစကွားလယ်) cu thuneihnak latu ralkap pawlin September 9 sun ah an kai. Anmah hi mipi kilhimtu an si lo, khuasung mi pangai an si. Ralkap in an khua an nuai ciamco ruangah ramlakah an tlan.

September 9 sun ah an khua dinhmun zoh dingin an va feh ih ralkap pawlin an rak kai. Ralkap in an kap that hlanah, “Nan caan neta biknak ah ziang nan tuah duh?” an tiih ziang dang khal rel loin ‘Ralkap uknak kan duh lo’ ti langternak ah an kutzung pathum cu an tung ṭento hnuah an kap that.

An zuk cu leitlun hmuntinkim ah a darh thluh hngal, an nulepa khal ralkap pawl ṭih ah ramlakah an um rero lai. Mibawmtu pawlkom in an umnak ramlakah an va tong ih bawmnak sumpai mallai an pe.

Ṭuanvo neitu pakhat Khun Aung Zay Ya in, “Fidelle le Pascalle ih nulepa umnak raltlan sakhan ah kan va feh, Pascalle (korsen hruhtu) ih nulepa lawng kan tong ngah. Fidelle ih pa cu phone in ka bia ih amah cu ka tong ngah lo.

Fidelle ih naupa cu June 23 sun ah thisen cancer in a thi, Fidelle in a nulepa le a farnu 2 a thihsan. Pascalle khalin hringtu nu anei nawn lo, Pascalle in a pa le a unau 3 a thihsan” a ti, cun kan theitawk in mual liamtu ih innsang pawl hi bawm cio kung tin forhfialnak anei.

Be the first to comment

Leave a Reply

Your email address will not be published.


*