An Thlai That Mi Hrangah A Hlu Bawmnak Tuahtu An Um, A Nupi In ‘Ka Cohlang Lo, Dothlennak Ah Hlu Sawn Uh’ A Ti

Ralhrang pawlin ramkhel ruangih an kaihmi (4) U Phyo Zayar Thaw, U Kyaw Minyu (Ko Jimmy), U Hlah Myo Aung le U Aung Thura Zaw cu Insein thawnginn sungah an thlai that.

An ruak khal an innsang hnenah an pe lo, Ko Jimmy ih nupi in a ruak a hmuh hlanlo vuinak caanserh a tuah lo ding thu a tarlang zo. Ramdang dang ah an hrangah caanserh an hmang ih a hlu bawmnak tuahtu khal an um.

Nilar Thein in, “Vuinak caanserh ka tuah lo ding. Ko Jimmy hrangah a hlu bawmnak tuahtu an um ti ka thei. Khuitawk ram khalah Ko Jimmy hrangah a hlu bawmnak, vuinak caanserh nan tuah asilen kei thawn pehtlaih awknak aum lo.

A hlu bawmnak ka ṭullo, a hlu bawmnak ka cohlang lo. Dothlennak ah hlu sawn uh, bawm sawn uh. Lungrualten hmainor uh, hrial uh. Dothlennak ah kan neh tengteng ding” a ti.

Be the first to comment

Leave a Reply

Your email address will not be published.


*