An Thlai That Mi Ih Nu An Kai

Insein thawnginn sungih an thlai that mi U Aung Thura Zaw ih nu cu ralhrang pawlin an va kai. July 26, 2022 zan ah ralhrang pawlin an inn ah an va lutcilh ih an kaih thu vengsung mipi pawlin media hnenah an sim thei.

“Ko Aung Thu Zaw ih nu cu BBC pawlin interview an tuah ruangah an kai a si men thei. July 26 zan ah an kai ih July 28 tiang ah an suah hrih lo” a ti.

Ko Aung Thu Zaw ih nu cu khuitawk hmun ah an hruai ti khal an thei lo, an innsang pawlin an pehtlaih thei nawn lo.

BBC thawn interview an tuahnak ah a fapa an that hlan July 22 ah online fehtlang ihsin an hmu aw ih an that ding thuhla hi an theicia lo, a ruak khal an ngah lo ih a ruak ngah an duh thu pawl a sim. July 28 sun khalah an thlai that mi 4 ih thuhla tarsawngtu fala That Hta Swe cu ralhrang pawlin an kai.

Be the first to comment

Leave a Reply

Your email address will not be published.


*