An Uico An Duh Nawn Lo, A San Cu Tuai A Si An Ti

US, North Carolina ih um innsang pakhat in an uico cu rannung vulhnak runinn ah an va ret. An duhlonak a san cu ‘Uico tuai a si, uico pa dang a itpi tum ṭheu. A pom ih a ihpi tum lai kan hmu ngah” an ti.

Uico hmin cu Fezco a si ih kum 4 mi a si, a rihlam cu 50 pounds in a rit. Rannung runinn ih ṭuanvo neitu in, “Fezco cu uico fel zet a si, minung khal a ngaina. Amah cawm duhtu pawl kan hawlsak rero lai” a ti.

ASPCA in, ‘Uico pawlin cangvaihnak danglam zetzet an nei ṭheu. Uico dang an pom tivek hi cu an cangvaihnak phunkhat a si. Cangvaihnak danglam zet an neih tikah an lekpi ding thilri maw, ei le in ding tivek pe uh” tin an tarlang.

Be the first to comment

Leave a Reply

Your email address will not be published.


*